Nicolai de Laziria carmina super opere Situs aedificiorum... (1440), versio electronica¶
Auctor¶
Nicolaus de Laziria sive Nikola de Ciria, Cremonensis, cancellarius rei publicae Ragusinae 1437–1440.
Editor¶
Fons¶
Philippus de Diversis de Quartigianis (1882) Situs aedificiorum politiae et laudabilium consuetudinum inclytae civitatis Ragusij; codice inedito della biblioteca ginnasiale di Zara pubblicato da V. Brunelli. Zara. Available at: https://catalog.hathitrust.org/Record/100388852 (Accessed: 25 December 2023).
„Nella lacuna del v. 14 c'è nel mss. uno scarabocchio incomprensibile. Quale sia poi la costruzione grammaticale ed il senso d'alcuni di questi distici, resta per me un mistero.”
Carmina per clarissimum poetam Nicolaum de Laziria nobilem Cremonensem edita super hoc opere, dum inclytae Communitatis Ragusij foret cancellarius annis Domini 1440.¶
Qui veteres poti fontem Vates Heliconis
Somnia Parnasso posthabuere sacro,
Rupeque Castalia sumpserunt pectore Phoebum,
Et coluere choros, Templaque Pieridum
Si visi sumpsisse novas ad carmina vires,
Ut dio nutu cresceret ingenium;
Quis neget assumptum, Blasi, te mente, Philippo,
Urbs picta inspicitur si tua quam lepide?
Et quis non credat, subijt cum cura laboris
Hujus, te ingenium exacuisse suum?
Nam, nisi te monstrante situs praestantia quantis
Apta lueris, per se non docuisse satis
Nec maris et terrae multa opportuna videri,
..... aer quam bene parta daret;
Sitque licet parvo comprehensa et stricta pugillo,
Examen ut apum densa quod est populo
Aedibus, et Templis quod tam speciosa decore,
Magnificas Urbes aequet ut, aut superet.
Civilis cultus et splendor nobilitatis
Tantus in his, Venetis ut fateare pares;
Quam dijs in Templis ornatus religionis,
Foeminae saltem quanta pudicitia:
Et deducta libro serie quae plurima mira
Paucorum magno duxit ab eloquio.
Urbs igitur depicta tuo nam flamine, Blasi,
Pictorem carum civibus esse jube.
Atque tuus cives, ipsumque Urbemque Paternus
Sumat amor, servet perpetuoque regat.