Faustus Verantius Dalmata Hugoni Blotio (1572-01-02), versio electronica

Accepi litteras tuas voluntatemque tuam bene intellexi, ac etiam, quod iubebas peregi. Itaque te indies expectamus. Quod te mihi non vulgariter, sed latine ac optime scribentem excusas, minus recte facis, nam excusatio recte factorum superflua est. Nisi forte me huius rei ignarum facis, vel vero me ita scribentem ad te iocando tamquam irreverentem repraehendere conaris. Sed absit haec opinio abs te. Meque iam olim in scholis ex optimis auctoribus haec percepisse scito. Quod reliquum est, me tui ac Listhii nostri cum amantissimum, tum et colendissimum reputato. Vale ac Joinum nostrum cum Bathoreo iube salvere.

Venetiis, postridie cal. Ianuarii 1572.

Ad manus viri eruditissimi ac doctissimi domini Hugonis Blotii etc.
A Padua. In Porcia a Ca Pesaro, fra i dui porteggi.