Thomae Nigri Dalmatae, protonotarii Apostolici, in piam curam Ioannis Statilii Traguritae
Hoc tibi, diue pater praesul, uenerande Ioannes,
Statilius propriis sumptibus optat opus,
Vt tua quae fuerint miracula facta Traguri
Hic liber excussus testis in orbe foret.
Tu miranda facis, facit hic ea publica cunctis,
Laude manet merito dignus uterque sua.
Nec minus ipse tuo debes, pie praesul, alumno,
Quam tibi Moeonides debet Achilles heros.