XII/1. 1525. 19. Aprilis, Segniae Gregorius Horlovicz et Petrus Crusich, capitanei Segnie et comites Clisii Clementi papae VII.

Note: Segr. Stato, Principi, 3, f. 101. Fragmento sigilli annularis papyro tecti. Editio: THEINER 1860, n. DCCCLI, p. 650.

Note: [Inscriptio in extera parte litterarum:] Sanctissimo et beatissimo patri et domino, domino Clementi divina providentia pape VII dominoque nostro nobis clementissimo Note: [Alia manu:] 1525. di capitanei di Segna die XIX d Aprile di Clyso Sanctissime et beatissime pater et domine, domine nobis clementissime! Post beatorum pedum oscula humilemque servitiorum nostrorum commendationem.

Cum ob maximas incommoditates necessitatesque, quibus quottidie urgentur, isti miserrimi pedites Clÿsiensi destinaverunt unum e medio ipsorum ad pedes Sanctitatis Vestre mittere, ut eorum incommoda Sanctitati Vestre explicaret – in maxima necessitate constituti sunt serviendo tam Beatitudini Vestre, quam serenissimo regi nostro Hungarie, precipue, cum pecunię Sue Maiestatis nullius sunt pretii, qualiter vivere possint, ipsi soli ignorant, serviunt fideliter –, ideo illos Sanctitati Vestre humiliter commendamus, nos quoque inter paucos dies spetialem nuntium nostrum ad Sanctitatem Vestram destinabimus.

Bene valeat Sanctitas Vestra, cui sese humiliter commendamus atque offerimus. Datum Segnie, die XIX Aprilis MDXXV. Eiusdem Sanctitatis Vestre deditissimi servitores Gregorius Horlovicz et Petrus Krusich, capitanei Segnie et comites Clÿsii

pagina

Gregorius Horlovicz et Petrus Crusich, capitanei Segnie et comites Clisii Clementi papae VII, versio electronica