pagina 136
Flete nouem sacrę decima cum Pallade Musae,
(Nam decet) incomptis nunc ululate comis:
Heu Domiti rapidae sparserunt funera flammae
In cineres! Vestris hunc aluistis aquis,
Hic uos - seu Graio dudum uelamine tectas,
Seu tulit in latebras Romulus ipse suas -
Monstrauit populis utroque e carcere ductas:
Nunc decet incomptis, nunc ululate comis!
Nemo magis uatum saciauit nube Sabaea
Templa patris! Quid non rumpere Fata queunt?