Heri vesperi percipiens a gratiosa Domina Conthorali Spectabilitatis Vestrae hicce acclusas Literas, non moror easdem ad Spectabilitatem Vestram ultro submittere.

Negotia Typographica optimo passu progrediuntur; labor a suprema Armorum Profectura obtentus jam sub prelo est; ephemerides Nationales multum aestimantur et leguntur ob fusam et interessantem Actorum Regnicolaris Congregationis descriptionem, quam utplurimum indefesso labori et revera patriotico sudori Verbančićiano in gratiis referendam habemus.

Novi nihil, praeterquam quod redigentem ephemeridum Germanicarum Praus inimica Magjaromanica propago, hac nocte 5-a et 6-tam labentium intercedente, horrendum in modum concusserit, dum {tardim} de nocte circa 10 horam e theatro domum proficisceretur.

Dignetur quo ocius nos solicitos de statu Spectabilitatis Vestrae adminus brevibus de sanitate edocendo quietare.