Misimus ad pedes Sanctitatis Vestre Bernardum de Binzola, unum de nobilibus nostris, presentium exhibitorum pro quibusdam negociis nostris expediendis. Supplicamus eidem Sanctitati Vestrae, ut his, quę nomine nostro ille exponet, tantam fidem habere dignetur, quantam nobis, si coram loqueremur, haberet, votivam pręterea illi expeditionem concedere, quam a Sanctitate Vestra speramus et humiliter exoramus.

Cui nos nostraque omnia supliciter ac devote commendamus. Ex Ragusio, die 25. Martii MDXXV. Eiusdem Sanctitatis Vestrę Devotissimi filii rector et consilium Rhagusii