Epitaphium Petri Lucii Traguriensis, versio electronica

Author: Alberti, Nikola c. 1450 - c. 1500Editor: Neven JovanovićDigitalizat modernog znanstvenog izdanja (2011).

15 Epitaphium Petri Lucii Traguriensis, patricii nobilissimi, Nicolaus Albertus Spalatensis, ex tempore

Tune hic, Petre, iaces? Tuane hic lapis ossa sepulchro
Contegit? O patrii cura dolorque soli!
Quid tibi nobilitas? quid opes? quid uiuida uirtus
Profuit? aut uitae candida facta piae?
Atropos inuidiae stimulis agitata sororum
Abrupit dira stamina pulla manu.
Occidit exemplum sanctorum nobile morum
Ne fieret tanto terra superba bono.

Appendix A Notae:

16Trag. f. 32v; v. 2 Contegit: Contigit Trag. - Petrus Lucius fortasse est ille procurator cassae operariae (Cassa dell'operaria) cathedralis Traguriensis cuius mors notata esse videtur ad annum 1545. Cf. Trag. f. 116r.

CroALa 
Croatiae auctores Latini; Universitas Zagrabiensis, Facultas philosophica